സര്‍വര്‍ സാഹിബ്: 2012

സുലൈഖാ ഹുസയ്ന്‍ അന്തരിച്ചു

ഉര്‍ദു നോവലിസ്റ്റ് സുലൈഖാ ഹുസയ്ന്‍ അന്തരിച്ചു

കൊച്ചി: 15 ജുലൈ 2014 , പ്രശസ്ത ഉര്‍ദു നോവലിസ്റ്റും കേന്ദ്ര ഉര്‍ദു ഫെലോഷിപ്പ് കമ്മിറ്റി അംഗവുമായ സുലൈഖാ ഹുസയ്ന്‍ (85) അന്തരിച്ചു. മൃതദേഹം എറണാകുളം സെന്‍ട്രല്‍ ജമാഅത്ത് ഖബര്‍സ്ഥാനില്‍ ഖബറടക്കി. ഏറെനാളായി വാര്‍ധക്യസഹജമായ അസുഖത്തെ തുടര്‍ന്ന് ചികില്‍സയിലായിരുന്നു. ഇന്നലെ പുലര്‍ച്ചെ രണ്ടിനായിരുന്നു അന്ത്യം.

1950ല്‍ രചിച്ച മേരേസനം (എന്റെ പ്രിയതമ) സ്വതന്ത്ര ഇന്ത്യയിലെ ആദ്യ ഉര്‍ദു നോവലായിരുന്നു. 35 നോവലുകള്‍ എഴുതിയ സുലൈഖ ഇന്ത്യയിലെ ഏക വനിതാ ഉര്‍ദു നോവലിസ്റ്റാണ്. 100ല്‍പ്പരം ഉര്‍ദു ചെറുകഥകളും രചിച്ചിട്ടുണ്ട്. 1930ല്‍ ഹാജി അഹമ്മദ് സേട്ടിന്റെയും മറിയം ബായിയുടെയും മകളായി മട്ടാഞ്ചേരിയിലാണു സുലൈഖാ ഹുസയ്ന്‍ ജനിച്ചത്. നാലാംതരം മദ്‌റസാ വിദ്യാഭ്യാസം മാത്രമേ ബാല്യത്തില്‍ സുലൈഖയ്ക്കു ലഭിച്ചിരുന്നുള്ളൂ. ബാല്യത്തില്‍ തന്നെ മാതാപിതാക്കള്‍ മരിച്ചു. ശൗഖ് എന്ന തൂലികയില്‍ ഉര്‍ദു കവിതകള്‍ എഴുതിയിരുന്ന പിതാമഹന്‍ ജാനി സേട്ട് ആണ് പിന്നീട് സുലൈഖയെ വളര്‍ത്തിയത്. 1945ല്‍ ഹുസയ്ന്‍ സേട്ടുമായി സുലൈഖയുടെ വിവാഹം നടന്നു.

ആപ്പാ (ചേച്ചി), സബാ (മന്ദമാരുതന്‍), പഥര്‍ കി ലകീര്‍ (കല്ലിന്റെ വര), യാദോം കി സീതം (ഓര്‍മകളുടെ നൊമ്പരം), ദുഷ്‌വാര്‍ഹുവാജീന (ജീവിതം പ്രയാസകരം), താരികീയോംകെബാദ് (ഇരുട്ടിനുശേഷം) തുടങ്ങിയ നോവലുകള്‍ ഇന്ത്യയിലെയും പാകിസ്താനിലെയും പ്രസാധകര്‍ (ചമന്‍ ബുക്ക് ഡിപ്പോ ഡല്‍ഹി, ഹാമീദ് ബ്രദേഴ്‌സ് ലാഹോര്‍, പാകിസ്താന്‍) പ്രസിദ്ധീകരിച്ചിട്ടുണ്ട്. താരികീയോംകെബാദ് (ഇരുട്ടിനുശേഷം) എന്ന നോവല്‍ കെ രവിവര്‍മ മലയാളത്തിലേക്ക് പരിഭാഷപ്പെടുത്തി.

സുലൈഖയുടെ ഭര്‍ത്താവ് ഹുസയ്ന്‍ സേട്ട് നേരത്തേ മരിച്ചിരുന്നു. മക്കള്‍: അസീസാ ബായി (കൊല്ലം), പരേതരായ ഫാറൂക്ക് സേട്ട്, ക്ഷമബായി. മരുമകള്‍: തമന്നാ ഫാറൂക്ക്, ചെറുമകള്‍: നിമയാസര്‍ (അമേരിക്ക). സഹോദരങ്ങള്‍: സൈബുന്നീസാ ബായി (ബാംഗ്ലൂര്‍), പരേതരായ മുസ്‌ലിംലീഗ് നേതാവ് അബ്ദുല്ല ഹാജി അഹമ്മദ് സേട്ട്, അബ്ദുര്‍റഹ്മാന്‍ സേട്ട്.

സര്‍വര്‍ സാഹിബ്

Sunday, June 24, 2012

അപൂര്‍വ ചിത്രങ്ങള്‍ - സ്ലൈഡ് ഷോ